|
|
|
|
Per maggiori informazioni scrivere a: phocas@francavillaangitola.com
 
.JPG){kind=small}
 |
|
I CANTI SOMMARIO (SELEZIONA UNA CANZONE CON UN CLIC)
STRINA(Canzone dialettale di Francavilla recitata la notte di Capodanno) *** Signura, mia signura, gran signura la vostra signuria v’arraccumandu de quantu tierri vi viju patruna. De quantu tierri vi viju patruna, de quantu avruri lu vientu va minandu, siti patruna di quattro castelli: Napuli, Spagna Paliermu e Messina, apposta patruna mia siti tanta bella, fustu crisciuta ad aria de marina, l’acqua chi viviti e frisca e bella. L’acqua chi viviti e frisca e bella cuomu li ruoisi russi a li giardini, a chissi mani meranu l’anelli. A chissi mani meranu l’anelli, a chissa gula na catina d’uoru, lùcianu li capidri de sa trizza ca na spata d’uoru quandu è nova. A chista ruga ci cumbenaria n’arvaru carricatu de diamanti, e a li peda na funti surgiva. A li peda na funti surgiva, surgivanu li bellezzi di tutti quanti, e a la cima na rocchetta avia. E a la cima na rocchetta avia, stacienu impriscu li duonni galanti, duonni galanti supa ogni galanti. duonni galanti supa ogni galanti e imperatrici supa ogni regina, Dio mu vi ndota de bona dottrina. Dio mu vi ndota de bona dottrina e lu turcu mu vi caza lu spiruni, e lu grammoniu davanti abballara. E lu grammoniu davanti abballara, vorria vorria ca vissi li suorti dell’apa regina chi si guverna de tutti li fiuri. Chi si guverna de tutti li fiuri, vorria ca vissi li suorti de guannu, e li ricchizzi de don Carlu Magnu e la sapienza de Salamuni. Quantu a Roma s’ardanu candili tantu m’aviti de li buoni suorti. Tantu m’aviti de li buoni suorti per quantu a Roma nc’è finiestri e puorti, tantu m’aviti de li buoni anni. Tantu m’aviti de li buoni anni pe quantu a Roma nc’è liettu de panni, e nui cantamu de supa stu chianu. E nui cantamu de supa stu chianu tricientu sacchi mu li fai de ranu, e nui cantamu de supa stu schuojju. E nui cantamu de supa stu schuojju tricientu giarri mu li fai de uojju, e nui cantamu ad usu de carrinu. E nui cantamu ad usu de carrinu tricientu guttu mu li fai de vinu, e nui cantanu ad usu de lu cignu. E nui cantanu ad usu de lu cignu aguannu mu vi nescia ogni designu, e nui cantamu e passanu li guai. E nui cantamu e passanu li guai e d’ogni vacca mu vi nda facia dui, nomu ti cridi ca simu de jieri. Nomu ti cridi ca simu de jieri, aguannu u m’aviti nu giuvaniedhju, a mienzu sa casa viju na lumera. A mienzu sa casa viju na lumera, stanotta mu vi figghia la sumera, a mienzu sta casa viju nu pistuni. A mienzu sta casa viju nu pistuni su figghiu mu lu viju nu baruni, a mienzu sa casa viju na carpita. A mienzu sa casa viju na carpita sa figghia mu la viju ricca e zita, a mienzu sa casa viju nu palumbu. A mienzu sa casa viju nu palumbu ca nc’è l’uori de tuttu lu mundu, a mienzu sa casa viju na sfera. A mienzu sa casa viju na sfera criju ca l’amicu è chi si leva, levati chianu chianu pe nommu cadi. Levati chianu chianu pe nommu cadi cacciatinci li sieggi de li peda, criju ca lu tizzuni è de ficara. Criju ca lu tizzuni è de ficara pecchissu non appiccia la lumera, tormamu arriedu ca s’avia scordatu a chiavicedra de lu tavulatu, Santu Antoninu fancila trovara. Santu Antoninu fancila trovara la chiavicedra de li cuosi buoni. La chiavicedra de li cuosi buoni: zippuli, nuci e cuosi de mangiara. Zippuli, nuci e cuosi de mangiara, fammi la strina chi mi suoli fara. Fammi la strina chi mi suoli fara ca è capudannu e non mi po mancara, capu dell’annu e capu de lu misi, pigghali priestu si l’ha de pighiara. Pigghali priestu si l’ha de pighiara non fa cà vanti jjù penighiara, tu cuomu lu pua sentere stu scilu. Tu cuomu lu pua sentere stu scilu chai la schiuma cuomu la cerrambua, sienti chi dicia la chitarra mia. Sienti chi dicia la chitarra mia, dicia ca li tri uri su passati, e facia scuru e non viju pe la via. E facia scuru e non viju la via, mi vaju arrumbulandu pe li strati, si non vi dissa quantu v’ammeritati. si non vi dissa quantu v’ammeritati mi perduna la vostra signuria, non ha chi dira cchjù la lingua mia. Non ha chi dira cchjù la lingua mia e mi perduna la vostra signuria, vi dassu cu la paci de Maria.
Francavida Francavida, Tu pe quantu piccirida Sì na cosa … chi si sa Vali cchiù de na città…
Si ‘nda jiu cuntientu e ariusu Pemmu dassa sti zancari. Pijiau u trenu cuomu lampu, non voliendu cchiù tornari, arrivau ‘nta la città; jiu a lu cinema o teatru, vitta cuosi a meravijia, non pensandu mai ad atru. Ma nu misi, dui tri misi non passaru, non passaru e luntanu cu la menti ricordau chistu fangaru.
Francavida Francavida, Tu pe quantu piccirida Sì na cosa … chi si sa Vali cchiù de na città…
‘Nta l’America diventa nu bossu randa randa; dicia jes e dicia tenchiu, usa u frak e la lavanda, pijia u trenu sutta terra, vajia u sabatu a Broduè, ava pezza e stuta-baker, cchiù felici è de nu rre. Ma tra chidi grattacieli, chidu mundu tantu biedu, dicia a n’atru paisanu: “…Chidu nuostru paisiedu! …”
Francavida Francavida, Tu pe quantu piccirida Sì na cosa … chi si sa Vali cchiù de na città…
Tanti cuosi ricordaru Caminandu e ccà e de dà: Santu Foca, lu Rosariu, Jioculanu e lu Zziu Pà; li Cuzzupi de la Pasqua, i Ciaramiedi de Natali, e li Fimmani a la Missa, ‘mbulicati ‘nta i vancali; li Troppiti, li Massari nta li nuotti de li viernu cu li cunti luonghi, luonghi, chi ti parranu do ‘mpiernu.
Francavida Francavida, Tu pe quantu piccirida Sì na cosa … chi si sa Vali cchiù de na città…
Jui luntanu cu la guerra, vitta atri mundi strani, vitta a morta comu nenta, tra li Greci e l’Africani, fu ‘nternatu, prigionieru e cu l’uocchi sempre asciutti vidia a sira sempra sempra una e chisti casi brutti china ‘e fumu e de guttari. Ma chi vala na badia. E nu juornu u liberaru e si vitta chi ciangia …
Francavida Francavida, Tu pe quantu piccirida Sì na cosa … chi si sa Vali cchiù de na città…
Vitta u mara, lu vapuri (Era tristi puru allora: chida nejia ‘n luntananza Cci spacìa puru lu cora). Vitta ‘u puortu, pijia u trenu, arrivau a na stazioneda e si misa chianu, chianu mu camina sempra a peda. Vidia appena u campanili e si vitta ‘nta li vrazza: era mammasa chi scaza avia jiutu mu l’abbrazza.
Francavida Francavida, Tu pe quantu piccirida Sì na cosa … chi si sa Vali cchiù de na città… Santu Foca quandu era l’infidili ed era de la curti bon sordatu, venia nu juornu e pensau a la fidi e de nuostru Signuri fu toccatu. Pua dassau l’armi e cuminciau a patira a chiju puntu vozza vattijatu; de pua se vozza fara nu giardinu e tutti l’alimenti avia chiantatu, avia chiantatu fuigghi e petrusinu, paria lu paradisu rigistratu. Agenta nda passava de continu, li rifriscava e non volia pagatu e jia passandu n’agenta riunda, Santu Foca ci vozza addimandari: “agenti duva jati a’ ssu pendinu?” “Na bona ndulgienza avimu e fara”; “Chiaviti e fara a mia dicitimilu, quarche nderizzu vi porria dunari”; “Cercamu a Foca e non lu canuscimu, ca lu patrunu lu vo castigara”; “Nàtami tiempu finu a lu matinu, ca vi lu fazzu avira nta li mani; stasira vuogghju assiemi mu mangiamu, c’è puru nu buonu liettu pe dormira”. Ficìa mangiari triccientu persuni De chija rrobba chi sapia cercara; dopu pranzu cacciaru lu vurzuni a Santu Foca volienu pagari, iju nci dissa: “vi su servituri, la rrobba non la tiegnu pe dinari”. “La rrobba non la tiegnu pe dinari, l’aju acquistata cu li mia suduri: lu paradisu mi vuogghju acquistara”. Quandu fu juornu dissaru partimu: “Duv’è l’amicu chi tu n’hai de dara?”, “Eccu! Si mi voliti cchiu vicinu: io sugnu Foca ch’haju fattu mala”. Tutti chiji sordati stupidiru. Unu cu natru sincignaru a guardara “ca nui cu quala cora lu tradimu, ni dunau de viviri e mangiari, puru nu buonu liettu pe dormira”. “Ligatimi si maviti e ligari pe mmia nommu ndaviti richiamuri ca mmia li strazi mi sugnu favuri”. E lu trattaru de parti civili e lu ligaru cu lu maccaturi. A li mani ci miseru lli nguanti A li peda catini e ferramenta. Pua quantu furu a chija curti stanti li primi duoni furunu li turmienti. De pua spediru triccientu persuni pe chiji vosca mu ajjhunu animali e hannu trovatu vipari e scurpiuni serpenti ed ogni sorta d’animali. De pua pigghiaru morteja e picuni na scura fossa vozzaru scavara. Pua pigghiaru u nuostru Protetturi nta chija scura fossa lu calaru. Tutti chiji animali s’appartaru e unu chi ndavia lu cchiù maggiuri si lu tenia impugnatu nta li mani. Cu la testuzza si venia a nchinara cu la lingua nci liccava li suduri. All’uottu juorni li sordati jiru mu vidanu s’è muortu o s’era vivu. Quandu chija scura fossa l’apriru vittaru splendori e jiornu chiaru. Tutti chij miraculi scriviru a lu luoru patruni li mandaru. Vui jativinda o sbirri e malandrini cacciatulu chissu è magaru. E l’hannu misu supa ngrolisinu pe tutta la città lu girijaru a la chiesi de Roma lu trasiru a l’ataru maggiuri lu posaru lu Santu Papa lu benediciu e cu li mani sua l’incurunau a Francavija ni lu cunduciu. O Francavija felice e biata mo chi l’aviti stu Santu abbucatu potiti caminara vosca e strati pegura de nimali non teniti. De pesta e terremota liberati particulari li vuostri divuoti. Calici d’uoru e calici d’argienti o Santu Foca mio vi l’appresientu. Si non vi dassu quantu v’ammeritati o Santu Foca mio mi perdunati. Mi perdunati cuomu peccaturi cuomu perduna a vui nuostru Signuri. Si fina la raziuoni e non va chijù o Santu Foca mio vi la dissamu a vui.
testo: sac. Giovanni di Biagio musica di M. Mondo
Soldato devoto e valente per cose terrene pugnasti, allor che rifulse alla mente la luce del Cristo che amasti
Ritornello: di Francavilla gran Protettor San Foca amabile, ci salva ognor.
Appena il lavàcro di fede ti sciolse da impegni di guerra, Gesù mite e buono ti diede un umile amor per la terra. Rit. Accogli chi ha fame ed è solo, in Cristo tutti ami fratelli, per tutti coltivi il tuo suolo ricchi siano oppur poverelli. Rit. La fede ti ha in Santo cambiato, nel paese tut curi ogni duol, ma la morte ch’era in agguato ti sovrasta, ti cerca ti vuol. Rit. Già ha chiesto terribile gente il tuo nome, con cuore sincero li ricevi e sfami, per niente … e a loro ti dai prigioniero. Rit. La fossa con tanti serpenti è il martirio a te preparato; tu vi scendi e gli occhi lucenti di gioia hai nel volto beato. Rit. Che vale il veleno potente se in cuor c’è l’amore di Dio?!… Non vince il furor della gente la fede dell’animo pio. Rit. Esci allor più bello e più forte, con le serpi scherzi giulivo … La spada ti darà la morte facendoti in cielo più vivo. Rit. Le croci dei figli più cari, sofferte in union con la fede, rifulgono sempre qual fari per chi con amor vero crede! Rit. Non nuoce ai devoti il veleno, non nuociono i tristi briganti, ma tutto all’intorno è sereno nei cuori di gioia esultanti! Rit.
|
Per maggiori informazioni scrivere a: phocas@francavillaangitola.com
|
|
.JPG)
.jpg)
